Fagráð

Tryggjum fagleg gæði og nákvæmni.

Fagráð Hagsmunasamtaka Æskunnar er skipað sérfræðingum á fjölbreyttum sviðum sem öll snerta málefni barna og ungmenna. Hlutverk ráðsins er lykilatriði í starfsemi okkar: að rýna greiningar og útgáfur samtakanna áður en þær fara í loftið. Þannig tryggjum við að gögnin okkar séu ávallt réttmæt, heimildir traustar og samhengið skýrt.

Fagráðið starfar sem ráðgefandi vettvangur en fer ekki með stjórnunar- eða ákvörðunarvald yfir stefnumótun samtakanna. Aðildin byggir á sjálfboðastarfi fólks sem vill leggja sitt af mörkum til að bæta umræðu og kerfi í þágu barna.

Starfsemin

Hvernig fagráðið vinnur.

Tímaskuldbinding

Fundir að jafnaði fjórum sinnum á ári, auk rýni á skýrslum eða greinum eftir þörfum.

Fyrirkomulag

Sjálfboðastarf þar sem fagleg heilindi eru í fyrirrúmi.

Gæðarýni

Allar stærri útgáfur samtakanna fara í gegnum fagráðsskoðun fyrir birtingu.

Gagnsæi

Samtökin birta lista yfir meðlimi fagráðs (að fengnu samþykki) til að sýna fram á þá breiðu þekkingu sem býr að baki gögnum okkar.

Hvers konar þekkingu leitum við að?

Fagfólk úr ólíkum áttum.

Við óskum eftir liðsauka frá fagfólki úr ólíkum áttum. Ef þú starfar á sviði sem snertir börn og ungmenni — hvort sem er í framlínu, stjórnsýslu eða fræðum — þá gæti þín þekking nýst okkur vel.

Heilbrigðis- og félagsþjónusta

Barnalæknar, hjúkrunarfræðingar, sálfræðingar, félagsráðgjafar og fólk sem starfar innan barnaverndar eða hjá Barna- og fjölskyldustofu.

Stjórnsýsla og lögfræði

Sérfræðingar úr ráðuneytum eða sveitarfélögum, og lögfræðingar með þekkingu á barnalögum, stjórnsýslu eða Barnasáttmála Sameinuðu þjóðanna.

Akademía og rannsóknir

Rannsakendur á sviði menntavísinda, félagsfræði, sálfræði eða annarra greina sem snúa að högum æskunnar.

Menntun, tómstundir og íþróttir

Fólk með dýptarþekkingu á skólastarfi, æskulýðsmálum, íþróttahreyfingunni eða skipulögðu tómstundastarfi.